Housing Developers & Projects

لاہور | ری نیوز پاکستان سی ڈی سی ڈویلپرز پرائیویٹ لمیٹڈ نے لاہور کے عسکری الیون میں رہائشی اپارٹمنٹس کا منصوبہ ’’پرل ٹاورز‘‘ پیش کردیا۔ کمپنی کے کے مطابق تھری بیڈ روم اپارٹمنٹ کی ابتدائی قیمت 4 کروڑ 20 لاکھ روپے، جبکہ فور بیڈ روم اپارٹمنٹ کی قیمت 6 کروڑ 30 لاکھ روپے سے شروع ہوتی ہے۔ خریداروں کیلئے ساڑھے تین سال پر مشتمل اقساط کا منصوبہ بھی پیش کیا گیا ہے۔ منصوبے کو رنگ روڈ کے سامنے واقع رہائشی مقام کے طور پر متعارف کرایا گیا ہے۔ کمپنی کے مطابق یہاں سے ڈولمن مال تقریباً دو منٹ اور علامہ اقبال انٹرنیشنل ایئرپورٹ پانچ منٹ کی مسافت پر ہے۔ پرل ٹاورز کو تقریباً 70 کنال رقبے پر چھ رہائشی ٹاورز پر مشتمل کمپلیکس بتایا گیا ہے۔ سی ڈی سی ڈویلپرز کے چیف ایگزیکٹو فیصل علی چشتی کا کہنا ہے کہ منصوبے میں 922 رہائشی اپارٹمنٹس اور 20 سے 29 منزلوں والے ٹاورز شامل ہیں، منصوبے میں 20 کنال پر مشتمل گرین مرکزی صحن، سوئمنگ پولز، جم اور فٹنس کلب، سپا اور سیلون، چھت پر باربی کیو لاؤنج اور زیرِ زمین مسجد شامل کرنے کی منصوبہ بندی کی گئی ہے۔ ہر اپارٹمنٹ کیلئے دو مخصوص پارکنگ مقامات اور آر ایف آئی ڈی کے ذریعے داخلے کا نظام بھی پیشکش کا حصہ بتایا گیا ہے۔ منصوبے میں سبزہ زار، سوئمنگ پول، جم، چھت پر باغیچے اور چوبیس گھنٹے نگرانی و کنٹرولڈ انٹری جیسی سہولتوں کا ذکر موجود ہے۔ فیصل علی چشتی نے مزید کہا کہ موزوں لوکیشن، معیاری تعمیر، پائیدار ڈیزائن اور طویل مدتی ویلیو ترقیاتی نقطۂ نظر کے بنیادی عناصر ہیں، جس سے اس پراجیکٹ کی اہمیت اور بھی بڑھ جاتی ہے۔