Property Dealers & Agencies

لاہور | ریاض حسین ری نیوز پاکستان ڈی ایچ اے اسٹیٹ ایجنٹس ایسوسی ایشن لاہور کی انتخابی سرگرمیاں شروع ہو گئیں۔ اس سلسلے میں گزشتہ روز پائنیر گروپ اور ڈی ایچ اے رئیلٹرز گروپ کا مشترکہ اجلاس ہوا جس میں پاک بزنس گروپ کو ویلکم کیا گیا۔ 25 مین بلیوارڈ فیز6 پر منعقدہ پائنیئر گروپ کی طرف سے سجایا گیا یہ پہلا باضابطہ اجلاس تھا جس میں سابق جنرل سیکرٹری ایسوسی ایشن اور سرفراز حامد پراپرٹیز کے سی ای او سرفراز حسین کی بطور صدارتی امیدوار مکمل حمایت اور انکے ساتھ یکجہتی کا اظہار کیا گیا۔ اس موقع پر پائنئیر گروپ کے مرکزی رہنما چوہدری عباس، طارق منیر ، سابق صدر ایسوسی ایشن ابوبکر بھٹی، سربراہ پاک بزنس گروپ میجر (ر) غلام محی الدین, چوہری اسد و دیگر نے خطاب کرتے ہوئے کہا کہ ہمیں سرفراز حسین کی قیادت میں مکمل متحد ہو کر الیکشن کمپین کو جارحانہ انداز میں آ گے بڑھانا ہوگا، انشاءاللہ دیگر گروپس بھی جلد ہمیں جوائن کریں گے ۔ ان کا کہنا تھا کہ موجودہ ایسوسی ایشن نے کمیونٹی کو مایوس کیا ہے، انہیں دوبارہ الیکشن میں ڈیلرز بری طرح مسترد کر دیں گے۔ سرفراز حسین نے اس موقع پر کہا کہ موجودہ ایسوسی ایشن کی ہر سازش کو ناکام بنائیں گے، انہوں نے کمیونٹی کی فلاح کیلئے کوئی قابل ذکر کام نہیں کیا، ان کو الیکشن میں منہ کی کھانی پڑے گی۔ انہوں نے تمام شرکاء بالخصوص پاک بزنس گروپ کے قائدین اور اراکین کی طرف سے حمایت کے اعلان پر ان کا شکریہ ادا کیا۔ اجلاس کے بعد پرتکلف کھانے کا اہتمام کیا گیا۔