Property Dealers & Agencies

لاہور | ریاض حسین ری نیوز پاکستان چئیر مین ڈی ایچ اے عوامی بزنس گروپ، صدر انجمن تاجران ڈی ایچ اے بورڈ و سی ای او شاہان ایسوسی ایٹس شاہان احمد شیخ نے ڈی ایچ اے رئیل اسٹیٹ کمیونٹی کے آئندہ انتخابات کے تناظر میں تمام گروپوں، امیدواروں اور ممبران سے اپیل کی ہے کہ وہ انتخابی سرگرمیوں کے دوران اخلاقیات، شائستگی اور پیشہ ورانہ اقدار کو مقدم رکھیں۔ نمائندہ ' ری نیوز ' سے گفتگو کرتے ہوئے انہوں نے کہا ہے کہ انتخابات ایک جمہوری عمل ہیں، جس کے ذریعے کمیونٹی اپنی اکثریتی رائے سے قیادت منتخب کرتی ہے۔ تاہم، اختلافِ رائے کو ذاتیات یا کسی کی عزتِ نفس مجروح کرنے کا جواز نہیں بنایا جانا چاہیے۔ تمام انتخابی گروپوں، امیدواروں اور کمیونٹی ممبران کو قابلِ احترام قرار دیتے ہوئے انہوں نے زور کہ اختلاف صرف منطق، دلائل اور نظریات کی بنیاد پر ہونا چاہیے، باہمی تضحیک اور الزام تراشی کے بجائے مہذب گفتگو کو فروغ دینا کمیونٹی کی اجتماعی ذمہ داری ہے۔ شاہان شیخ نے مزید کہا کہ معاشرے میں رئیل اسٹیٹ کمیونٹی کا احترام بڑھانے کے لیے ضروری ہے کہ اس کے ارکان ایک دوسرے کو عزت دیں۔ ایک ہی شعبے سے وابستہ ہونے کے ناتے ان کی پہچان مثبت رویوں، اخلاق اور پیشہ ورانہ طرزِ عمل سے ہونی چاہیے۔ انہوں نے اپیل کی کہ انتخابی مقابلے کو مثبت اور تعمیری رکھا جائے تاکہ یہ عمل کمیونٹی کے وقار، اتحاد اور ترقی میں معاون ثابت ہو۔