Punjab Province

لاہور : ریاض حسین ری نیوز پاکستان

ڈی ایچ اے اسٹیٹ ایجنٹس ایسوسی ایشن لاہور کی سالانہ اور موجودگی ایسوسی ایشن کی آ خری 24 اکتوبر کو ہو رہی ہے ۔ اس کے لیے ایسوسی ایشن کی طرف سے کم و بیش تمام ممبران ڈیلرز کو ایجنڈے کی کاپیاں ارسال کر دی گئی ہیں جس میں سالانہ آڈٹ رپورٹ بھی شامل  ہے۔ سابق صدر ایسوسی ایشن طلعت احمد میاں نے کہا ہے کہ رپورٹ میں متعدد خامیاں ہیں، ہم اسے مسترد کرتے ہیں ۔ ایسوسی ایشن کے سابق ڈائریکٹر فنانس ظاہر جان کے ساتھ ایک مشترکہ بیان میں انہوں نے کہا کہ اس آ ڈٹ رپورٹ میں 35 لاکھ روپے کا خسارہ دکھایا گیا ہے، ہمیں نہیں معلوم کہ ایسوسی ایشن نے کون سی رقم کب اور کہاں خرچ کی۔ ظاہر جان نے کہا کہ آڈٹ رپورٹ کیبنٹ سے منظور نہیں کروائی گئی، اس پر آڈیٹر کی ڈیٹ آف اتھینٹیکیشن بھی نہیں ہے،  صفحہ نمبر بھی نہیں لگائے گئے، یہ بنیادی طور پر آ ڈٹ رپورٹ ہی نہیں لگتی ۔ انہوں نے کہا کہ ہر صفحے کا attested  ہونا ضروری ہے،  بیلنس شیٹ میں اماؤنٹ کا واضح فرق ارہا ہے، آمدن اور اخراجات کی تفصیلات میں ابہام موجود ہے۔ ظاہر جان نے  کہا ہے کہ یہ رپورٹ مناسب طریقے سے تیار نہیں کی گئی، اگر فرض کیا الیکشن تین سال تک چلے جاتے تو اس کا مطلب یہ ہے کہ ایسوسی ایشن دیوالیہ ہو چکی ہوتی۔  کلوزنگ انہوں نے کہا کہ اس میں 35 لاکھ کا خسارہ دکھایا گیا ہے ہمیں سمجھ نہیں اتی کہ یہ رقم کب اور کہاں خرچ ہوئی

لاہور | ری نیوزپاکستان

وفاقی حکومت نے کراچی میں پاکستان اسٹیل ملز (پی ایس ایم) کی تقریباً 6 ہزار ایکڑ اراضی پر خصوصی اقتصادی زون (ایس ای زیڈ) قائم کرنے کے مجوزہ منصوبے میں سرمایہ کاری کے لیے سرمایہ کاروں کو دعوت دے دی ہے۔ منصوبے کا مقصد صنعتی پیداوار، لاجسٹکس اور برآمدات پر مبنی سرگرمیوں کو فروغ دینا ہے۔

وفاقی وزیر برائے بورڈ آف انویسٹمنٹ قیصر احمد شیخ نے لاہور چیمبر آف کامرس اینڈ انڈسٹری (ایل سی سی آئی) میں کاروباری برادری سے ملاقات کے دوران سرمایہ کاری کے اس موقعے کو اجاگر کیا۔ یہ اقدام پاکستان اسٹیل ملز کی وسیع اراضی کو پیداواری اور تجارتی مقاصد کے لیے استعمال میں لانے کی حکومتی کوششوں کا حصہ ہے۔

مجوزہ اقتصادی زون کے لیے مختص اراضی کو کراچی کے بڑے مسلسل صنعتی زمینی ذخائر میں شمار کیا جاتا ہے۔ بڑی شاہراہوں، بندرگاہوں اور صنعتی بنیادی ڈھانچے سے روابط کے باعث یہ مقام مینوفیکچرنگ، گوداموں، مال برداری اور برآمدی سرگرمیوں کے لیے اہم ثابت ہو سکتا ہے۔

وفاقی وزیر کے مطابق، ضروری بنیادی سہولتوں کی فراہمی کے ساتھ اس اراضی کو صنعتی مقاصد کے لیے استعمال کرنے سے سرمایہ کاری، صنعتی پیداوار، لاجسٹکس اور برآمدات کے شعبوں میں نئے مواقع پیدا کیے جا سکتے ہیں۔ منصوبے سے مشرقی کراچی میں صنعتی سرگرمیوں کے فروغ اور صنعتی رئیل اسٹیٹ مارکیٹ میں نئی سرمایہ کاری کی راہ بھی ہموار ہو سکتی ہے۔

تاہم، حکومت کی جانب سے سرمایہ کاری کی دعوت کو صنعتی پلاٹوں کی باقاعدہ بکنگ یا الاٹمنٹ کا آغاز نہیں سمجھا جا سکتا۔ حالیہ اعلان میں پلاٹوں کے سائز، الاٹمنٹ شیڈول، لیز نرخوں اور سرمایہ کاروں کے لیے ادائیگیوں کے طریقۂ کار سے متعلق تفصیلات جاری نہیں کی گئیں

منصوبے کے آئندہ مراحل میں حتمی ترقیاتی فریم ورک، بنیادی ڈھانچے کی ضروریات، سرمایہ کاری مراعات اور صنعتی اراضی سرمایہ کاروں کو فراہم کرنے کا طریقۂ کار طے کرنا شامل ہوگا۔ ان تفصیلات کی وضاحت ممکنہ سرمایہ کاروں کے لیے منصوبے کی تجارتی افادیت کا جائزہ لینے میں اہم ہوگی۔

ملاقات کے دوران قیصر احمد شیخ نے سرمایہ کاری کے فروغ کے لیے سازگار کاروباری ماحول، واضح قواعد و ضوابط اور حکومتی فیصلوں میں تسلسل کی اہمیت پر زور دیا۔ انہوں نے کہا کہ سرکاری اداروں کو کاروباری ضوابط اور صنعتی معیارات سے متعلق فیصلوں سے قبل چیمبرز آف کامرس اور صنعتی نمائندوں سے مشاورت کرنی چاہیے۔

وفاقی وزیر نے مؤثر ون ونڈو سہولت کے قیام کو بھی ضروری قرار دیا، تاکہ منظوریوں کے حصول کا عمل آسان بنایا جا سکے اور سرمایہ کاروں کو غیر ضروری انتظامی تاخیر سے بچایا جا سکے۔

منصوبے کی کامیابی کا انحصار مؤثر منصوبہ بندی، بنیادی سہولتوں کی فراہمی اور شفاف سرمایہ کاری پالیسی

پر ہوگا۔ مناسب انتظامات کی صورت میں یہ اقتصادی زون کراچی میں صنعتی توسیع، لاجسٹکس اور برآمدات کے فروغ میں اہم کردار ادا کر سکتا ہے۔

لاہور | ریاض حسین ری نیوز پاکستان

الغنی گارڈن لاہور کے فیز 7 میں ’’اولیو۔۔۔ دی گرین لیونگ‘‘ کے نام سے رہائشی پلاٹس کے لیے 42 ماہ پر مشتمل ادائیگی پلان پیش کر دیا گیا۔ اس پلان میں 3، 5 اور 10 مرلہ کے علاوہ ایک کنال کے رہائشی پلاٹس شامل ہیں، جبکہ درج کردہ قیمتیں صرف زمین کی لاگت پر مشتمل ہیں اور ترقیاتی چارجز الگ وصول کیے جائیں گے۔ وجاہت علی خان ہیڈ آ ر ایچ سی اینڈ سیلز نے 'ری نیوز پاکستان' کو پیمنٹ پلان کے بارے میں بتایا کہ

3 مرلہ پلاٹ کی مجموعی زمینی قیمت 11 لاکھ 25 ہزار روپے  رکھی گئی ہے۔

اس کے لیے بکنگ اور قرعہ اندازی کے موقع پر الگ الگ 2 لاکھ 25 ہزار روپے، 42 ماہ تک 9 ہزار روپے

ماہانہ قسط اور قبضے کے وقت 2 لاکھ 97 ہزار روپے کی ادائیگی مقرر کی گئی ہے۔

5 مرلہ پلاٹ کی قیمت 17 لاکھ 50 ہزار روپے ہے، جس کی بکنگ اور قرعہ اندازی کی ادائیگی فی مرحلہ 3 لاکھ 50 ہزار روپے، ماہانہ قسط 15 ہزار روپے اور قبضے کی رقم 4 لاکھ 20 ہزار روپے رکھی گئی ہے۔

10 مرلہ پلاٹ کی زمینی قیمت 32 لاکھ روپے مقرر ہے۔ بکنگ اور قرعہ اندازی کے لیے الگ الگ 6 لاکھ 40 ہزار روپے، ماہانہ قسط 30 ہزار روپے اور قبضے کے وقت 6 لاکھ 60 ہزار روپے ادا کرنا ہوں گے۔ ایک کنال پلاٹ کی قیمت 60 لاکھ روپے ہے، جس کے لیے بکنگ اور قرعہ اندازی کی رقم فی مرحلہ 12 لاکھ روپے، ماہانہ قسط 60 ہزار روپے اور قبضے کی ادائیگی 10 لاکھ 80 ہزار روپے درج ہے۔

انہوں نے بتایا کہ واجب الادا رقوم جمع کروانے کے بعد صارفین اپنے پلاٹس کی رجسٹری و انتقال کروا سکتے ہیں۔ ’’الغنی تحفظ‘‘ پالیسی کے حوالے سے ایک سوال کے جواب میں انہوں نے بتایا کہ اس پالیسی کے تحت اقساط کی ادائیگی کے دوران اگر خدا نخواستہ خریدار کی وفات ہو جاتی ہے تو اس صورت میں باقی اقساط معاف کر کردی جائیں گی اور پالیسی کے مطابق پلاٹ ورثا کے نام منتقل کردیا جائے گا۔

"اولیو " بلاک میں سیکٹر مساجد، پارکس، سکول، ہسپتال، کمرشل ایونیو، سپورٹس کمپلیکس، واٹر فلٹریشن پلانٹ، سیوریج سسٹم اور چوبیس گھنٹے سکیورٹی سمیت مختلف سہولتیں فراہم کی جارہی ہیں۔ تاہم ان سہولتوں کی تکمیل، قبضے کی تاریخ اور ترقیاتی چارجز کی مجموعی رقم واضح نہیں کی گئی۔