تاریخ اشاعت: February 16, 2026 - 9:47 AM
DG LDA Tahir Farooq Chairs Meeting of LDA Legal Wing.
ڈی جی ایل ڈی اے طاہر فاروق کا شہر میں جاری ترقیاتی منصوبوں کا دورہ.
▫️ڈی جی ایل ڈی اے نے ریلوے اسٹیشن، فیروز پور روڈ اچھرہ بازار اور داتا دربار منصوبے کا دورہ کیا۔
لاہور: حسنین اولکھ (نمائندہ خصوصی) | ری نیوز پاکستان ڈی جی ایل ڈی اے نے شہر میں جاری ترقیاتی منصوبوں پر کام کی رفتار اور معیار کا جائزہ لیا، ڈی جی ایل ڈی اے نے ریلوے اسٹیشن کے اطراف ترقیاتی کاموں میں سست روی پر اظہار ناراضگی کیا۔ طاہ...
ڈی جی ایل ڈی اے نے شہر میں جاری ترقیاتی منصوبوں پر کام کی رفتار اور معیار کا جائزہ لیا، ڈی جی ایل ڈی اے نے ریلوے اسٹیشن کے اطراف ترقیاتی کاموں میں سست روی پر اظہار ناراضگی کیا۔ طاہر فاروق نے پراجیکٹ ٹیم اور کنٹریکٹر کو کام کی رفتار تیز کرنے، لیبر و مشینری بڑھانے اور ریلوے اسٹیشن کے اطراف املاک کے فساڈ میں بہتری کا کام بھی تیز کرنے کی ہدایت کی۔ ڈی جی ایل ڈی اے نے ریلوے اسٹیشن سے دو موریہ پل کی طرف والز کی بیوٹیفکیشن، اچھرہ بازار میں جاری ترقیاتی کاموں کا جائزہ لیا۔ چیف انجینئر ٹیپا اقرار حسین اور پراجیکٹ ڈائریکٹر نے ٹائم لائن کے مطابق اہداف کے حصول بارے ڈی جی ایل ڈی اے کو بریفنگ دی۔ بریفنگ میں اچھرہ بازار کے داخلی دروازے کی تعمیر کے جاری کام، واش روم کی تعمیر اور بازار کی اپ گریڈیشن پر بریفنگ دی گئی۔
ڈی جی ایل ڈی اے نے فیروز پور روڈ کے مصروف ترین پوائنٹس، فیروز پور روڈ پر جنرل ہسپتال، چلڈرن ہسپتال اور گلاب دیوی ہسپتال کے باہر ری ماڈلنگ کی ضرورت کا عندیہ دیا۔ ڈی جی ایل ڈی نے منصوبے کے تمام پہلوؤں کا جائزہ لیا، کام کی رفتار پر زیرو ٹالرنس اپنانے کی ہدایت کی۔ اس موقع پر چیف انجینئر ایل ڈی اے اسرار سعید، ، چیف انجینئر ٹیپا اقرار حسین، ڈائریکٹر آرکیٹکٹ اور متعلقہ افسران ہمراہ تھے۔