تاریخ اشاعت: February 16, 2026 - 1:47 PM
Review Meeting Chaired by Secretary Housing Noor-ul-Amin Mengal, Qualified Engineers to Monitor Safety, Environmental and Operational Standards in the Field.
سیکرٹری ہاؤسنگ نورالامین مینگل کی زیر صدارت جائزہ اجلاس، کوالیفائڈ انجینئرز فیلڈ میں حفاظتی، ماحولیاتی و دیگر امور کی مانیٹرنگ کریں گے۔.
▫️ترقیاتی کاموں میں سیفٹی پروٹوکولز کی جانچ کے لیے خصوصی ٹیم تشکیل، 9اضلاع میں سیفٹی اینڈ مانیٹرنگ آفیسرز تعینات کر دیے گئے
لاہور: حسنین اولکھ، نمائندہ خصوصی| ری نیوز پاکستان وزیر اعلیٰ پنجاب ڈویلپمنٹ پروگرام کے تحت جاری کاموں کی سخت مانیٹرنگ جاری ہے، اجلاس میں تمام اضلاع کے ایم ڈی واساز نے اب تک کی پیش رفت پر بریفنگ دی۔ سیکرٹری ہاؤسنگ نورالامین مینگل ن...
وزیر اعلیٰ پنجاب ڈویلپمنٹ پروگرام کے تحت جاری کاموں کی سخت مانیٹرنگ جاری ہے، اجلاس میں تمام اضلاع کے ایم ڈی واساز نے اب تک کی پیش رفت پر بریفنگ دی۔ سیکرٹری ہاؤسنگ نورالامین مینگل نے اجلاس سے گفتگو کرتے ہوئے کہا پنجاب کے 10 اضلاع میں ترقیاتی کام تیزی سے جاری ہیں، حفاظتی پروٹوکولز میں غفلت کسی صورت برداشت نہیں کی جائے گی۔
سیکرٹری ہاؤسنگ نے کہا محکمہ ہاؤسنگ پنجاب کے 15 اضلاع میں ترقیاتی کاموں کی نگرانی کر رہا ہے، جھنگ، ڈی جی خان، گجرات، حافظ آباد، جہلم، اوکاڑہ اور سرگودھا میں جاری پراجیکٹس کا جائزہ لیا گیا۔ ننکانہ، راولپنڈی، ساہیوال، شیخوپورہ، سیالکوٹ، فیصل آباد، گوجرانوالہ اور ملتان میں بھی موبلائزیشن کی ہدایت کی گئی۔ نورالامین مینگل نے کہا تمام اضلاع کا معیار اور رفتار پر مقابلہ ہے، دن اور رات میں کام کی رفتار کو الگ الگ مانیٹر کیا جائے، جبکہ اچھا کام کرنے والے کنٹریکٹرز کو تعریفی اسناد دی جائیں گی۔
سیکرٹری ہاؤسنگ نے باور کروایا کہ غفلت برتنے والے افسران و ٹھیکیداروں کیخلاف کارروائی عمل میں لائی جائے گی، کنسٹرکشن سائٹ پر حفاظتی اقدامات یقینی بنائے جائیں۔ سیکرٹری ہاؤسنگ نے ہدایات کیں کہ تمام عملہ اور سائٹ افسران سیفٹی پروٹوکولز یقینی بنائیں گے، ان کا کہنا تھا وزیر اعلیٰ پنجاب مریم نواز کی ہدایت پر سخت نگرانی کا عمل جاری ہے۔