تاریخ اشاعت: April 14, 2026 - 10:00 AM
RUDA Accelerates River Ravi Embankment Project
روڈا حکام کا دریائے راوی پر 46 کلومیٹر طویل حفاظتی بند کے تعمیراتی کام کا جائزہ ، منصوبہ جلد مکمل کرنے کی ہدایت
▫️ راوی سٹی اور مختلف پیکیجز پر کام میں تیزی، چہارباغ کو رنگ روڈ اور ایکسپریس وے سے جوڑنے کا منصوبہ
لاہور | ری نیوز پاکستان راوی اربن ڈیولپمنٹ اتھارٹی (روڈا) کی جانب سے دریائے راوی کے اطراف حفاظتی بند کی تعمیر کا منصوبہ تیزی سے جاری ہے، جس کا مقصد سیلابی خطرات پر قابو پانے کے ساتھ ساتھ شہری ترقی کو فروغ دینا ہے۔ سی ای او روڈا عم...
راوی اربن ڈیولپمنٹ اتھارٹی (روڈا) کی جانب سے دریائے راوی کے اطراف حفاظتی بند کی تعمیر کا منصوبہ تیزی سے جاری ہے، جس کا مقصد سیلابی خطرات پر قابو پانے کے ساتھ ساتھ شہری ترقی کو فروغ دینا ہے۔
سی ای او روڈا عمران امین نے دیگر حکام کیساتھ راوی سٹی سمیت فیز 1 کے پیکیجز 7 اور 8 اور فیز 3 کے پیکیجز 16 تا 19 کا دورہ کیا، جہاں انہوں نے جاری ترقیاتی کاموں کا تفصیلی جائزہ لیا اور منصوبہ جلد مکمل کرنے کی ہدایت کی ۔
ترجمان روڈا کے مطابق منصوبے کے تحت دریائے راوی کے دونوں اطراف تقریباً 46 کلومیٹر طویل بند تعمیر کیا جا رہا ہے، جو سائفن سے جھوک فارسٹ تک پھیلا ہوگا۔ منصوبے میں دریا کی چوڑائی ایک کلومیٹر مقرر کی گئی ہے تاکہ پانی کے بہاؤ کو مؤثر انداز میں منظم کیا جا سکے۔
اس موقع پر عمران امین نے راوی سٹی میں ایمبیکمنٹ (بند) کے کام کو مزید تیز کرنے کی ہدایت جاری کی، جبکہ مختلف پیکیجز پر تعمیراتی سرگرمیاں پہلے ہی تیزی سے جاری ہیں۔
روڈا حکام کا کہنا ہے کہ منصوبے کی تکمیل کے بعد بڑے سیلابی ریلے بھی باآسانی گزر سکیں گے، جس سے مستقبل میں سیلاب سے ہونے والے نقصانات میں نمایاں کمی متوقع ہے۔
بعد ازاں سی ای او نے محمود بوٹی اور چہارباغ پراجیکٹس کا بھی دورہ کیا۔ چہارباغ کے فرنٹ گیٹ پر انہیں بریفنگ دی گئی، جہاں بتایا گیا کہ منصوبے کو رنگ روڈ اور ایکسپریس وے سے منسلک کیا جا رہا ہے، جس سے علاقے تک رسائی مزید بہتر ہو جائے گی۔