تاریخ اشاعت: April 15, 2026 - 9:45 AM
Government Considers Reduction in Real Estate Taxes, Property Sector Expected to Stabilize
حکومت کا رئیل اسٹیٹ ٹیکس میں کمی پر غور، پراپرٹی سیکٹر مستحکم ہونے کی توقع
▫️ایف بی آر نے 9 ماہ کے دوران رئیل اسٹیٹ سیکٹر سے 197 ارب روپے ٹیکس وصول کیا
اسلام آباد | ری نیوز پاکستان حکومت نے رئیل اسٹیٹ ٹیکس میں کمی کی تجویز پر غور شروع کر دیا ہے، جس کا مقصد پراپرٹی مارکیٹ کو مزید متحرک اور مستحکم بنانا ہے۔ ذرائع کے مطابق ایک کنال کے پلاٹ پر ٹیکس ختم کرنے کی تجویز زیر غور ہے، جس پر آئن...
حکومت نے رئیل اسٹیٹ ٹیکس میں کمی کی تجویز پر غور شروع کر دیا ہے، جس کا مقصد پراپرٹی مارکیٹ کو مزید متحرک اور مستحکم بنانا ہے۔ ذرائع کے مطابق ایک کنال کے پلاٹ پر ٹیکس ختم کرنے کی تجویز زیر غور ہے، جس پر آئندہ بجٹ سے قبل آئی ایم ایف کے ساتھ مشاورت متوقع ہے۔ آئی ایم ایف کی ٹیم بجٹ تجاویز پر بات چیت کے لیے جلد پاکستان کا دورہ کرے گی۔
حکام کے مطابق فیڈرل بورڈ آف ریونیو (ایف بی آر) نے رواں مالی سال کے پہلے 9 ماہ کے دوران رئیل اسٹیٹ سیکٹر سے 197 ارب روپے ٹیکس وصول کیا۔ پلاٹس کی فروخت پر ٹیکس وصولی میں 62 فیصد اضافہ ہوا اور یہ 137 ارب روپے تک پہنچ گئی، جبکہ پلاٹ خریداری پر ٹیکس 16 فیصد کمی کے بعد 61 ارب روپے رہا۔ جائیداد سے حاصل ہونے والے منافع پر ٹیکس وصولی محض 1.7 ارب روپے رہی۔
ایف بی آر کے اعداد و شمار کے مطابق تنخواہ دار طبقے سے ٹیکس وصولی میں بھی نمایاں اضافہ دیکھا گیا، جو 29 ارب روپے بڑھ کر 420 ارب روپے تک پہنچ گئی، جبکہ گزشتہ سال اسی مدت میں یہ 391 ارب روپے تھی۔ نان کارپوریٹ ملازمین نے سب سے زیادہ 187 ارب روپے ٹیکس ادا کیا۔
کارپوریٹ ملازمین کی جانب سے 134 ارب روپے ٹیکس جمع کرایا گیا، جبکہ صوبائی ملازمین کا ٹیکس کم ہو کر 59 ارب روپے رہ گیا۔ وفاقی ملازمین نے 41 ارب روپے ٹیکس ادا کیا۔
ماہرین کے مطابق رئیل اسٹیٹ سیکٹر میں ٹیکس میں ممکنہ کمی سے سرمایہ کاری میں اضافہ ہو سکتا ہے اور پراپرٹی مارکیٹ میں سرگرمی تیز ہونے کی توقع ہے، جس سے مجموعی معیشت پر مثبت اثرات مرتب ہوں گے۔