تاریخ اشاعت: April 16, 2026 - 12:30 PM
Decision Taken to Hand Over Gilgit Baltistan Highways to NHA; Local Population Exempted from Toll Tax
گلگت بلتستان کی شاہراہیں این ایچ اے کے حوالے کرنے کا اصولی فیصلہ، مقامی آبادی ٹول ٹیکس سے مستثنیٰ ہوگی
▫️سکردو، استور اور شگر سمیت 9 اہم شاہراہوں کی مرمت و بہتری کا منصوبہ، سیاحتی سہولیات میں نمایاں بہتری متوقع
استور | ری نیوز پاکستان گلگت بلتستان کے نگران وزیر اطلاعات غلام عباس نے کہا ہے کہ خطے کی اہم شاہراہوں کی مؤثر مرمت اور دیکھ بھال کے لیے انہیں نیشنل ہائی وے اتھارٹی (این ایچ اے) کے حوالے کرنے کا اصولی فیصلہ کر لیا گیا ہے۔ ان کا کہن...
گلگت بلتستان کے نگران وزیر اطلاعات غلام عباس نے کہا ہے کہ خطے کی اہم شاہراہوں کی مؤثر مرمت اور دیکھ بھال کے لیے انہیں نیشنل ہائی وے اتھارٹی (این ایچ اے) کے حوالے کرنے کا اصولی فیصلہ کر لیا گیا ہے۔
ان کا کہنا تھا کہ یہ اقدام سیاحت کے فروغ اور عوام کو بہتر سفری سہولیات کی فراہمی کے لیے کیا جا رہا ہے، تاہم اس حوالے سے تاحال باقاعدہ مفاہمتی یادداشت (ایم او یو) پر دستخط نہیں ہوئے۔
انہوں نے بتایا کہ اس منصوبے کے تحت سکردو خپلو، سکردو شگر اور ستور چلم چوک روڈ سمیت 9 اہم شاہراہوں کی حالت کو بہتر بنایا جائے گا۔ وزیر اطلاعات کے مطابق کابینہ نے فیصلہ کیا ہے کہ گلگت بلتستان کے مقامی رہائشیوں کو ٹول پلازوں پر ٹیکس سے استثنیٰ حاصل ہوگا۔
انہوں نے یہ بھی بتایا کہ سکردو سمیت دیگر اضلاع میں صحافیوں کو جلد ایکریڈیٹیشن کارڈز جاری کیے جائیں گے، جبکہ ڈیجیٹل میڈیا پالیسی پر نظرثانی کا عمل جاری ہے۔ متعلقہ صحافتی تنظیموں سے مشاورت مکمل کر لی گئی ہے اور جلد حتمی پالیسی نافذ کر دی جائے گی۔