تاریخ اشاعت: November 20, 2026 - 12:01 AM
Punjab Government Releases Rs300 Million for Construction of 145 Studio Apartments for Women Scientists in Lahore
لاہور میں خواتین سائنسدانوں کے لیے 145 اسٹوڈیو اپارٹمنٹس کی تعمیر، پنجاب حکومت نے 30 کروڑ روپے جاری کر دیے
▫️ دو ارب روپے کے رہائشی منصوبے کی منظوری، پنجاب ایگریکلچر، فوڈ اینڈ ڈرگ اتھارٹی اور پنجاب فرانزک سائنس ایجنسی کی خواتین سائنسدانوں کو رہائشی سہولیات فراہم کی جائیں گی
پنجاب حکومت نے لاہور میں خواتین سائنسدانوں کے لیے 145 جدید اسٹوڈیو اپارٹمنٹس کی تعمیر کے دو ارب روپے کے منظورشدہ رہائشی منصوبے کے لیے ابتدائی طور پر 30 کروڑ روپے جاری کر دیے ہیں۔
وزیراعلیٰ پنجاب مریم نواز شریف کے خصوصی ترقیاتی اقدامات میں شامل اس منصوبے کا مقصد سائنسی تحقیق، لیبارٹری ٹیسٹنگ اور فرانزک خدمات سے وابستہ خواتین ماہرین کی رہائش سے متعلق دیرینہ ضروریات پوری کرنا ہے۔ مجوزہ رہائشی کمپلیکس میں دونوں اداروں کی خواتین ملازمین کے لیے مخصوص رہائش کا انتظام کیا جائے گا۔
منصوبے کی تکمیل کے بعد 145 اسٹوڈیو اپارٹمنٹس میں تقریباً 250 سے 300 افراد کی رہائش کی گنجائش ہوگی۔ اس اقدام کا مقصد پنجاب کے اہم سائنسی اور فرانزک اداروں میں خدمات انجام دینے والی خواتین کو بہتر اور آسان رہائشی سہولیات فراہم کرنا ہے۔