تاریخ اشاعت: April 18, 2026 - 5:49 PM
WASA meeting reviews emergency measures for Urban flood prevention
شہری علاقوں میں سیلاب سے بچاؤ کیلئے ہنگامی اقدامات کا جائزہ، واسا اجلاس منعقد
▫️ ڈپٹی کمشنر اور ایم پی اے کی زیر صدارت نکاسی آب کے نظام کو بہتر بنانے پر زور
قصور: [صدف ارشد ڈسٹرکٹ کوارڈینیٹر ری نیوز پاکستان] ڈپٹی کمشنر قصور محمد آصف رضا اور ایم پی اے نعیم صفدر انصاری کی زیر صدارت واسا (WASA) کا اہم اجلاس منعقد ہوا، جس میں شہری علاقوں کو ممکنہ سیلابی صورتحال سے محفوظ رکھنے کے لیے فوری اقدا...
ڈپٹی کمشنر قصور محمد آصف رضا اور ایم پی اے نعیم صفدر انصاری کی زیر صدارت واسا (WASA) کا اہم اجلاس منعقد ہوا، جس میں شہری علاقوں کو ممکنہ سیلابی صورتحال سے محفوظ رکھنے کے لیے فوری اقدامات کا تفصیلی جائزہ لیا گیا۔
اجلاس کے دوران نکاسی آب کے نظام، ڈرینیج لائنز، ڈسپوزل اسٹیشنز اور بارش کے پانی کے بروقت اخراج سے متعلق امور پر غور کیا گیا۔ متعلقہ اداروں کو ہدایت کی گئی کہ برساتی پانی کے جمع ہونے کے خدشات والے مقامات کی فوری نشاندہی کر کے مؤثر اقدامات کیے جائیں۔
ڈپٹی کمشنر نے زور دیا کہ شہری سیلاب سے بچاؤ کے لیے ڈرینیج سسٹم کو فعال اور مؤثر بنایا جائے اور تمام مشینری و عملہ ہائی الرٹ رکھا جائے تاکہ کسی بھی ہنگامی صورتحال میں فوری ردعمل ممکن ہو۔
اجلاس میں اس بات پر بھی زور دیا گیا کہ سیوریج لائنز کی بروقت صفائی، نالوں کی ڈی سلٹنگ اور پانی کے بہاؤ میں رکاوٹ بننے والی تجاوزات کے خاتمے کو یقینی بنایا جائے۔
متعلقہ حکام کا کہنا تھا کہ شہریوں کو ممکنہ مشکلات سے بچانے کے لیے تمام ادارے مربوط انداز میں کام کریں اور بارشوں سے قبل تمام انتظامات مکمل کر لیے جائیں۔
یہ اجلاس حکومت پنجاب کی جانب سے شہری سیلاب سے بچاؤ اور بہتر شہری سہولیات کی فراہمی کے وژن کے تحت اہم پیش رفت قرار دیا جا رہا ہے