تاریخ اشاعت: November 26, 2025 - 11:26 AM
Possible Reduction in Cash ISA Limit Raises Concerns Over Higher Mortgage Rates
کیش آئی سا کی حد میں ممکنہ کمی سے مارگیج ریٹس بڑھنے کا خدشہ
فنانس ماہرین کہتے ہیں کہ حد چالیس فیصد کم کرنے سے بچت کم ہوگی اور پراپرٹی مارکیٹ متاثر ہو سکتی ہے
ریچل ریوز (Rachel Reeves) کے اس منصوبے پر فنانس ماہرین نے شدید تشویش کا اظہار کیا ہے، جس کے تحت کیش آئی سا (Cash ISA) کی سالانہ حد بیس ہزار پاؤنڈ سے کم کر کے بارہ ہزار پاؤنڈ کرنے کی تجویز زیر غور ہے۔ ماہرین کے مطابق اس اقدام سے نہ صرف لو...
نیشن وائیڈ بلڈنگ سوسائٹی (Nationwide Building Society) اور بلڈنگ سوسائٹیز ایسوسی ایشن (Building Societies Association) نے خبردار کیا ہے کہ کیش آئی سا پر ٹیکس مراعات میں کمی سے بینکوں اور بلڈنگ سوسائٹیز کے لیے ڈپازٹس کم ہو جائیں گے جس سے قرض دینے کی گنجائش گھٹ سکتی ہے۔ اس کا براہ راست اثر پہلی مرتبہ گھر خریدنے والوں اور کم آمدنی والے خریداروں پر پڑ سکتا ہے۔
مالیاتی حلقوں کا کہنا ہے کہ کم حد سے نہ تو لوگ شیئر مارکیٹ میں سرمایہ کاری کریں گے اور نہ ہی یہ قدم بچت کو فروغ دے گا، بلکہ ممکن ہے کہ صارفین مزید محفوظ آپشنز جیسے پریمیم بانڈز کی طرف منتقل ہوں۔ یارکشائر بلڈنگ سوسائٹی کے سروے کے مطابق کیش آئی سا ہولڈرز میں سے تقریباً نصف افراد نے کہا کہ حد میں کمی انہیں “درمیانے یا شدید” طور پر متاثر کرے گی
▫️Cash ISA کا مطلب ایک ایسا ٹیکس فری بچت اکاؤنٹ جس میں آپ اپنی رقم محفوظ رکھ سکتے ہیں اور اس پر حاصل ہونے والا منافع ٹیکس سے مستثنیٰ ہوتا ہے۔
یہ صرف بچت کا اکاؤنٹ ہے، سرمایہ کاری یا شیئرز والا اکاؤنٹ نہیں