تاریخ اشاعت: November 27, 2025 - 5:57 AM
Asian Development Bank approves an additional 48 million dollars for Balochistan
ایشیائی ترقیاتی بینک کا بلوچستان کے لیے 48 ملین ڈالر کا اضافی قرض منظور
منصوبے کا اعلان اے ڈی بی کی کنٹری ڈائریکٹر ایما فین نے اسلام آباد میں کیا
ایشیائی ترقیاتی بینک نے بلوچستان میں پانی کے وسائل کی ترقی کے اہم منصوبے کی بروقت تکمیل کے لیے پاکستان کو مزید 48 ملین ڈالر کا اضافی قرض فراہم کرنے کی منظوری دے دی ہے۔ یہ اعلان ایشیائی ترقیاتی بینک کی پاکستان میں کنٹری ڈائریکٹر ایما فین ...
اے ڈی بی کے مطابق یہ اضافی فنڈنگ ان کلیدی منصوبوں پر خرچ کی جائے گی جو بجٹ کی کمی کے باعث تاخیر کا شکار تھے، جن میں چوری انفلٹریشن گیلری، سیری توئی ڈیم کے کمانڈ ایریا کی ترقی، اور واٹر شیڈ مینجمنٹ جیسے اہم اقدامات شامل ہیں۔ منصوبے کے تحت ژوب اور مُولا دریا بیسن میں جاری ترقیاتی سرگرمیوں کو بھی مزید تقویت دی جائے گی۔
سیری توئی ڈیم: بلوچستان کا اہم پانی ذخیرہ کرنے کا منصوبہ
منصوبے کا مرکزی جزو سیری توئی ڈیم کی تعمیر ہے، جو مکمل ہونے پر 36 ملین مکعب میٹر پانی ذخیرہ کرنے کی صلاحیت رکھے گا۔ ڈیم کے ذریعے 16 ہزار ہیکٹر سے زائد زرعی رقبہ سیراب ہو سکے گا، جبکہ نیا پائپ شدہ پانی کی ترسیل کا نظام کھلے کھالوں کے مقابلے میں کم ضیاع اور زیادہ مؤثر آبپاشی فراہم کرے گا۔
▫️بلوچستان کی زرعی معیشت کے لیے امید کی نئی کرن
اپنے بیان میں ایما فین نے کہا: “یہ منصوبہ بلوچستان میں روزگار، زراعت اور گھریلو سطح پر پانی کی دستیابی بہتر بنانے میں بنیادی کردار ادا کرے گا، خصوصاً خواتین کے لیے معاشی مواقع میں اضافہ کرے گا۔” ان کا کہنا تھا کہ بلوچستان شدید خشک سالی، موسمیاتی تبدیلی اور پانی کے بحران کا سامنا کر رہا ہے، اور یہ اضافی فنڈنگ صوبے میں پانی کے پائیدار انتظام کی طرف ایک اہم پیش رفت ہے۔ سید شایان ڈاٹ کوم بیورو رپورٹ