تاریخ اشاعت: April 13, 2026 - 6:50 PM
Construction of ‘Marka-e-Haq Monument’ Underway in Islamabad, Paying Tribute to National Unity and Armed Forces
اسلام آباد میں ‘معرکۂ حق میموریل’ کی تعمیر کا کام جاری، قومی اتحاد اور مسلح افواج کو خراجِ تحسین
▫️ ایف ڈبلیو او کو ڈیزائن و تعمیر کی ذمہ داری گئی، سی ڈی اے نے جگہ حوالے کی
اسلام آباد | ری نیوز پاکستان وفاقی حکومت کی طرف سے اسلام آباد کے سیکٹر H-8 میں قومی سطح پر “معرکۂ حق میموریل” کی تعمیر کا کام جاری ہے، جس کا مقصد بھارتی جارحیت کے خلاف پاکستان کی فتح اور مسلح افواج کی بہادری کو خراجِ تحسین پیش کرنا ...
وفاقی حکومت کی طرف سے اسلام آباد کے سیکٹر H-8 میں قومی سطح پر “معرکۂ حق میموریل” کی تعمیر کا کام جاری ہے، جس کا مقصد بھارتی جارحیت کے خلاف پاکستان کی فتح اور مسلح افواج کی بہادری کو خراجِ تحسین پیش کرنا ہے۔
سرکاری ذرائع کے مطابق یہ منصوبہ وزیرِاعظم شہباز شریف کی ہدایت پر شروع کیا گیا ہے۔ اس منصوبے کے لیے وفاقی حکومت فنڈنگ فراہم رہی ہے جبکہ اسے اسلام آباد کے ایک غیر استعمال شدہ پارک کو جدید عوامی تفریحی مقام میں تبدیل کر کے تعمیر کیا جا رہا ہے۔
یادگار کا مرکزی موضوع قرآنی اصطلاح “بنیان مرصوص” (آہنی دیوار) سے لیا گیا ہے، جو قومی اتحاد، اجتماعی عزم اور ہر قسم کے خطرات کے مقابلے میں ثابت قدمی کی علامت ہے۔ حکام کے مطابق اس ڈیزائن کا مقصد شہریوں میں فخر، وقار اور غور و فکر کا احساس پیدا کرنا ہے۔
منصوبے کی ڈیزائننگ اور تعمیر کی ذمہ داری فرنٹیئر ورکس آرگنائزیشن فرنٹیئر ورکس آرگنائزیشن کو سونپی گئی ہے جبکہ کیپیٹل ڈویلپمنٹ اتھارٹی نے منصوبے کے لیے جگہ باضابطہ طور پر حوالے کی ہے ۔ منصوبہ بین الاقوامی معیار کے مطابق اعلیٰ تعمیراتی مواد کے استعمال کے ساتھ مکمل کیا جائے گا تاکہ یہ پائیدار اور جمالیاتی لحاظ سے شاندار ہو۔
حکام کے مطابق یہ یادگار نہ صرف قومی اتحاد کی علامت ہوگی بلکہ اسلام آباد کے شہری منظرنامے میں ایک اہم اضافہ بھی ثابت ہوگی۔