تاریخ اشاعت: April 11, 2026 - 3:40 PM
Operation Against Illegal Afghan Migrants in Balochistan, Over 100 Houses Demolished
بلوچستان میں غیر قانونی افغان مہاجرین کے خلاف آپریشن، 100 سے زائد مکانات مسمار کر دیے گئے
▫️کاریزات میں تقریباً 60 ہزار مہاجرین رہائش پذیر ہیں، غیر قانونی رہائش سکیورٹی خدشات اور مقامی وسائل پر دباؤ کا سبب بن رہی ہے، انتظامیہ کا مؤقف
کوئٹہ | ری نیوز پاکستان بلوچستان کی ضلعی انتظامیہ اور پولیس نے کاریزات کے علاقے میں غیر قانونی طور پر مقیم افغان مہاجرین کے خلاف کارروائیاں تیز کر دی ہیں۔ حکام کے مطابق مہاجرین کو علاقہ خالی کرنے کے لیے دی گئی 24 گھنٹے کی مہلت ختم ہو...
بلوچستان کی ضلعی انتظامیہ اور پولیس نے کاریزات کے علاقے میں غیر قانونی طور پر مقیم افغان مہاجرین کے خلاف کارروائیاں تیز کر دی ہیں۔ حکام کے مطابق مہاجرین کو علاقہ خالی کرنے کے لیے دی گئی 24 گھنٹے کی مہلت ختم ہونے کے بعد باقاعدہ آپریشن کا آغاز کیا گیا۔
سرکاری رپورٹ کے مطابق کاریزات میں اس وقت تقریباً 60 ہزار افغان مہاجرین رہائش پذیر ہیں، جن میں سے بڑی تعداد کے پاس قانونی دستاویزات موجود نہیں۔ انتظامیہ کا کہنا ہے کہ غیر قانونی رہائش سکیورٹی خدشات اور مقامی وسائل پر دباؤ کا سبب بن رہی ہے۔
ڈی ایس پی عنایت کاکڑ نے میڈیا سے گفتگو کرتے ہوئے بتایا کہ مہاجرین کو پیشگی نوٹس دیا گیا تھا کہ وہ رضاکارانہ طور پر علاقہ چھوڑ دیں، تاہم مہلت ختم ہونے کے بعد اب سخت کارروائی جاری ہے۔ ان کے مطابق اب تک 100 سے زائد غیر قانونی مکانات کو مسمار کیا جا چکا ہے، جبکہ آپریشن مزید جاری رہے گا تاکہ غیر قانونی آبادکاری کا مکمل خاتمہ یقینی بنایا جا سکے۔