تاریخ اشاعت: March 2, 2026 - 2:36 PM
High-Level Meeting Reviews Law & Order, Security Measures in Islamabad
اسلام آباد میں امن و امان اور سیکیورٹی اقدامات کا اعلیٰ سطحی جائزہ اجلاس
▫️ اجلاس میں وفاقی دارالحکومت اسلام آباد کی امن و امان کی صورتحال اور پاکستان میں غیر قانونی طور پر مقیم غیر ملکیوں کے خلاف اقدامات کا تفصیلی جائزہ لیا گیا۔
اسلام آباد: حسنین اولکھ، نمائندہ خصوصی | ری نیوز پاکستان وفاقی سیکریٹری داخلہ کیپٹن (ر) محمد خرم آغا کی زیر صدارت وفاقی دارالحکومت اسلام آباد میں امن و امان اور سیکیورٹی کے بہترین انتظامات کو یقینی بنانے کے حوالے سے ایک اہم اجلاس منعق...
وفاقی سیکریٹری داخلہ کیپٹن (ر) محمد خرم آغا کی زیر صدارت وفاقی دارالحکومت اسلام آباد میں امن و امان اور سیکیورٹی کے بہترین انتظامات کو یقینی بنانے کے حوالے سے ایک اہم اجلاس منعقد ہوا۔ اجلاس میں چیئرمین کیپیٹل ڈویلپمنٹ اتھارٹی (سی ڈی اے) و چیف کمشنر اسلام آباد محمد علی رندھاوا، انسپکٹر جنرل (آئی جی) اسلام آباد سید علی ناصر رضوی، ڈپٹی کمشنر اسلام آباد عرفان نواز میمن سمیت پولیس اور ضلعی انتظامیہ کے اعلیٰ افسران نے شرکت کی۔
راولپنڈی، ہری پور، مری اور اٹک کے ڈپٹی کمشنرز اور ضلعی پولیس افسران نے بھی بذریعہ زوم اجلاس میں شرکت کی۔ اجلاس میں اسلام آباد کی مجموعی امن و امان کی صورتحال کے ساتھ ساتھ غیر قانونی طور پر مقیم غیر ملکیوں کے خلاف جاری اقدامات پر تفصیلی غور کیا گیا۔ وفاقی سیکریٹری داخلہ کیپٹن (ر) محمد خرم آغا نے کہا کہ حکومت پاکستان ملک کی سلامتی اور تحفظ کو یقینی بنانے کے لیے غیر قانونی طور پر مقیم غیر ملکیوں کے خلاف مؤثر قانونی کارروائی کے لیے پرعزم ہے۔
اجلاس میں سنگل ویزا رجیم کے مکمل نفاذ کا فیصلہ کیا گیا۔ اس حوالے سے غیر قانونی افغان باشندوں کے خلاف فارنرز ایکٹ 1946 کے تحت کارروائی عمل میں لانے کا فیصلہ کیا گیا تاکہ سنگل ویزا رجیم پر حقیقی معنوں میں عملدرآمد یقینی بنایا جا سکے۔ غیر قانونی طور پر مقیم غیر ملکیوں کے خلاف کومبنگ آپریشن کو مزید تیز کرنے اور اس کا دائرہ کار وسیع کرنے کا بھی فیصلہ کیا گیا۔
چیئرمین سی ڈی اے و چیف کمشنر اسلام آباد محمد علی رندھاوا نے اب تک کیے گئے اقدامات سے آگاہ کرتے ہوئے بتایا کہ غیر قانونی طور پر مقیم غیر ملکیوں کو رہائش فراہم کرنے والے مالکان کے خلاف قانونی کارروائی جاری ہے۔ ایسے افراد کے خلاف مقدمات درج کیے جا رہے ہیں جو غیر قانونی غیر ملکیوں کو کاروباری مقامات فراہم کر رہے ہیں۔ انہوں نے مزید بتایا کہ مختلف اضلاع سے واپس جانے والے غیر ملکیوں کا ڈیٹا وفاقی وزارت داخلہ کے مرکزی ڈیش بورڈ کے ساتھ منسلک کر دیا گیا ہے۔
وفاقی سیکریٹری داخلہ نے واضح کیا کہ وزارت داخلہ کی جانب سے کسی قسم کا ری لوکیشن پروگرام نافذ نہیں کیا گیا۔ انہوں نے کہا کہ غیر قانونی طور پر مقیم غیر ملکیوں کے مسئلے سے نمٹنے کے لیے مقامی کمیونٹی کو بھی شامل کیا جائے۔
انسپکٹر جنرل اسلام آباد پولیس سید علی ناصر رضوی نے بتایا کہ وفاقی دارالحکومت میں نگرابان کمیٹیاں تشکیل دی گئی ہیں۔ انہوں نے دیگر اضلاع کے افسران کو ہدایت کی کہ وہ بھی اپنے اپنے اضلاع میں ایسی کمیٹیاں قائم کریں۔
وفاقی سیکریٹری داخلہ نے تمام اضلاع کے افسران کو ہدایت کی کہ وہ داخلی و خارجی راستوں پر سخت چیکنگ کو یقینی بنائیں، پولیس اور انتظامیہ کی نفری میں اضافہ کریں اور اہم مقامات، عبادت گاہوں، مساجد اور حساس عمارتوں کی سیکیورٹی مزید سخت کی جائے۔
آئی جی اسلام آباد پولیس نے بتایا کہ سیف سٹی کیمروں اور جدید ٹیکنالوجی کے ذریعے مرکزی شاہراہوں، تجارتی مراکز اور رہائشی علاقوں کی مؤثر نگرانی کا نظام قائم کیا جا چکا ہے۔ مشتبہ