تاریخ اشاعت: March 19, 2026 - 3:09 PM
Wall Chalking, Posters Surface on MQM Foundation Day
ایم کیو ایم کے یومِ تاسیس پر وال چاکنگ، تصاویر بھی آویزاں
▫️مختلف علاقوں میں نعرے درج، سرگرمیوں پر شہریوں کی توجہ
کراچی: ری نیوز پاکستان کراچی کے مختلف علاقوں میں ایم کیو ایم کے 42ویں یومِ تاسیس کے موقع پر ایم کیو ایم انٹرنیشنل سے وابستہ کارکنوں کی جانب سے وال چاکنگ اور دیگر سرگرمیاں دیکھنے میں آئیں۔ اطلاعات کے مطابق شہر کے متعدد مقامات پر دیو...
کراچی کے مختلف علاقوں میں ایم کیو ایم کے 42ویں یومِ تاسیس کے موقع پر ایم کیو ایم انٹرنیشنل سے وابستہ کارکنوں کی جانب سے وال چاکنگ اور دیگر سرگرمیاں دیکھنے میں آئیں۔
اطلاعات کے مطابق شہر کے متعدد مقامات پر دیواروں پر نعرے درج کیے گئے، جن میں بانی ایم کیو ایم کے حق میں جذبات کا اظہار کیا گیا۔ بعض علاقوں میں کارکنوں نے تصاویر بھی آویزاں کیں، جس سے سیاسی سرگرمیوں میں ایک بار پھر تیزی کا تاثر ملا۔
وال چاکنگ میں مختلف نعرے تحریر کیے گئے، جن میں “ہماری مجبوری ہے، بانی ضروری ہے” اور “ہمارا جینا مرنا قائد کے ساتھ ہے” جیسے جملے شامل ہیں۔
ان سرگرمیوں کے باعث شہریوں کی توجہ ان علاقوں کی جانب مبذول ہوئی، جبکہ بعض حلقوں کی جانب سے ایسے اقدامات پر تحفظات کا اظہار بھی کیا جا رہا ہے۔
تاحال انتظامیہ کی جانب سے اس حوالے سے کوئی باضابطہ ردعمل سامنے نہیں آیا، تاہم شہری حلقوں نے شہر میں دیواروں کی خوبصورتی برقرار رکھنے اور قانون کی عملداری کو یقینی بنانے کی ضرورت پر زور دیا ہے۔