تاریخ اشاعت: June 5, 2026 - 10:15 AM
Punjab Launches Province Wide Crackdown on Illegal Industrial Units in Residential Areas
رہائشی علاقوں میں غیر قانونی صنعتی یونٹس کے خلاف پنجاب بھر میں کریک ڈاؤن شروع
▫️مہم کے دوران بغیر اجازت کام کرنے والے یونٹس، فضائی آلودگی، کچرا جلانے اور دیگر نقصان دہ سرگرمیوں میں ملوث عناصر کو نشانہ بنایا جائے گا
وزیراعلیٰ پنجاب مریم نواز شریف کی ہدایت پر پنجاب حکومت نے رہائشی علاقوں میں قائم غیر قانونی صنعتی یونٹس کے خلاف صوبہ بھر میں کارروائی کا آغاز کر دیا ہے۔
مہم کے تحت محکمہ تحفظ ماحولیات نے چنیوٹ میں آلودگی پھیلانے اور شہریوں کے لیے شدید مشکلات کا باعث بننے والے لیدر پروسیسنگ یونٹ کے خلاف بڑی کارروائی کی۔ آپریشن کے دوران حکام نے رہائشی آبادی میں قائم غیر قانونی ٹینری اور جانوروں کی کھالیں ذخیرہ کرنے کے لیے استعمال ہونے والا گودام مسمار کر دیا۔
حکام کے مطابق مذکورہ یونٹ کھالوں کی پروسیسنگ اور چمڑے کی تیاری میں ملوث تھا، جس کے باعث علاقے میں تعفن، بدبو اور غیر صحت مند ماحولیاتی صورتحال پیدا ہو رہی تھی۔ مقامی رہائشیوں نے بارہا شکایات درج کرائی تھیں کہ اس یونٹ سے پیدا ہونے والی آلودگی ان کی روزمرہ زندگی کو متاثر کر رہی ہے جبکہ بچوں، خواتین اور بزرگوں کو صحت و صفائی کے سنگین مسائل کا سامنا ہے۔
علاقہ مکینوں نے حکومتی کارروائی کا خیرمقدم کرتے ہوئے کہا کہ غیر قانونی صنعتی سرگرمی نے طویل عرصے سے رہائشی ماحول کو متاثر کر رکھا تھا۔ شہریوں نے حکام کی مداخلت کو سراہتے ہوئے مطالبہ کیا کہ رہائشی علاقوں میں غیر قانونی طور پر چلنے والے دیگر یونٹس کے خلاف بھی کارروائیاں جاری رکھی جائیں۔
حکام کا کہنا ہے کہ چنیوٹ میں کی گئی کارروائی پنجاب بھر میں ماحولیاتی خلاف ورزیوں اور غیر قانونی صنعتی سرگرمیوں کے خلاف جاری وسیع تر نفاذی مہم کا حصہ ہے۔ اس مہم کے دوران بغیر اجازت کام کرنے والے یونٹس، فضائی آلودگی، کچرا جلانے اور دیگر نقصان دہ سرگرمیوں میں ملوث عناصر کو نشانہ بنایا جائے گا۔
سینئر وزیر مریم اورنگزیب نے کہا کہ رہائشی علاقوں میں صنعتی سرگرمیوں کی اجازت نہیں دی جا سکتی۔ انہوں نے خبردار کیا کہ غیر قانونی ٹینریز، مذبحہ خانوں، پلاسٹک جلانے والے یونٹس، کچرا جلانے کی کارروائیوں اور فصلوں کی باقیات کو آگ لگانے والوں کے خلاف سخت ایکشن لیا جائے گا۔
مریم اورنگزیب نے کہا کہ ماحولیاتی قوانین کی خلاف ورزی کرنے والوں سے کوئی رعایت نہیں برتی جائے گی۔ انہوں نے شہریوں اور کاروباری افراد پر زور دیا کہ وہ ماحولیاتی ضوابط کی پابندی کریں۔ ان کا کہنا تھا کہ عوامی صحت کے تحفظ اور ماحول کو بہتر بنانے کے لیے آلودگی پھیلانے والوں کے خلاف کریک ڈاؤن صوبہ بھر میں جاری رہے گا۔
مریم اورنگزیب نے مزید کہا کہ حکومتی ماحولیاتی پالیسیوں، مانیٹرنگ اور نفاذی اقدامات کے باعث گزشتہ دو برس کے دوران پنجاب کی فضائی معیار میں بہتری آئی ہے۔ انہوں نے کہا کہ صوبائی حکومت شہریوں کو صاف، محفوظ اور صحت مند ماحول فراہم کرنے کے لیے پرعزم