تاریخ اشاعت: February 27, 2026 - 4:05 PM
SECP outlines plan to strengthen insurance role in disaster resilience
ایس ای سی پی کا قدرتی آفات کے خلاف انشورنس میں صوبوں کے کردار کو مضبوط بنانے کا نیا منصوبہ
▫️ صوبائی شراکت داری بڑھانے اور زرعی شعبے میں نیچرل ڈزاسٹر انشورنس کی سہولتوں میں توسیع پر زور
اسلام آباد | ری نیوز پاکستان سیکیورٹیز اینڈ ایکسچینج کمیشن آف پاکستان (ایس ای سی پی) نے قدرتی آفات کے خلاف انشورنش کے نظام کو مضبوط بنانے اور صوبوں کی نیچرل ڈزاسٹر انشورنس اسکیموں میں شمولیت بڑھانے کے لیے جامع حکمت عملی تیار کر لی ہے۔ ...
سیکیورٹیز اینڈ ایکسچینج کمیشن آف پاکستان (ایس ای سی پی) نے قدرتی آفات کے خلاف انشورنش کے نظام کو مضبوط بنانے اور صوبوں کی نیچرل ڈزاسٹر انشورنس اسکیموں میں شمولیت بڑھانے کے لیے جامع حکمت عملی تیار کر لی ہے۔
ایس ای سی پی نے تجویز دی ہے کہ صوبے خصوصاً زرعی شعبے میں قدرتی آفات کے منصوبوں کی مالی معاونت اور انتظام میں زیادہ فعال کردار ادا کریں، تاکہ مقامی سطح پر رسک کوریج کو بہتر بنایا جا سکے۔
ایس ای سی پی کی جانب سے پیش کی گئی سفارشات میں قدرتی آفات سے متعلق انشورنس کے نظام کو مؤثر بنانے، انشورنس کوریج کے دائرہ کار کو وسعت دینے اور خطرات سے تحفظ کی پالیسی کو مجموعی طور پر مضبوط کرنے پر زور دیا گیا ہے۔ ادارے کے مطابق صوبوں کی شمولیت سے منصوبہ بندی میں بہتر ہم آہنگی، وسائل کی منصفانہ تقسیم اور پالیسیوں کے مؤثر نفاذ کو یقینی بنایا جا سکے گا، جس سے قدرتی آفات کے دوران مالی تحفظ کے نظام کو مزید مستحکم بنانے میں مدد ملے گی۔
معاشی ماہرین کے مطابق اس حکمت عملی سے قدرتی آفات کے دوران مالی تحفظ فراہم کرنے کے ساتھ ساتھ صوبائی اور قومی سطح پر لچک اور استحکام کو بھی فروغ ملے گا