تاریخ اشاعت: April 13, 2026 - 2:23 PM
Beautification Project Reviewed at Naya Bazar Kasur
نیا بازار قصور میں بیوٹیفیکیشن منصوبے کا معائنہ، ترقیاتی کاموں کا جائزہ
▫️ ڈپٹی کمشنر اور ایم پی اے کی جانب سے جاری منصوبوں کی پیشرفت پر اطمینان کا اظہار
قصور : صدف ارشد ڈسٹرکٹ کوارڈینیٹر | ری نیوز پاکستان ڈپٹی کمشنر قصور محمد آصف رضا نے ایم پی اے حاجی محمد نعیم صفدر انصاری کے ہمراہ نیا بازار قصور کا دورہ کیا، جہاں بیوٹیفیکیشن منصوبے کے تحت جاری ترقیاتی کاموں کا تفصیلی جائزہ لیا گیا۔ ...
ڈپٹی کمشنر قصور محمد آصف رضا نے ایم پی اے حاجی محمد نعیم صفدر انصاری کے ہمراہ نیا بازار قصور کا دورہ کیا، جہاں بیوٹیفیکیشن منصوبے کے تحت جاری ترقیاتی کاموں کا تفصیلی جائزہ لیا گیا۔
دورے کے دوران حکام نے منصوبے کی رفتار، معیار اور مختلف مراحل پر پیشرفت کا معائنہ کیا۔
بیوٹیفیکیشن کے تحت بازار میں سڑکوں کی بہتری، صفائی کے انتظامات، یکساں ڈیزائن اور مجموعی شہری حسن میں اضافے کے اقدامات کیے جا رہے ہیں۔
ڈپٹی کمشنر نے متعلقہ افسران کو ہدایت کی کہ کام کو مقررہ وقت میں مکمل کیا جائے اور معیار پر کوئی سمجھوتہ نہ کیا جائے تاکہ شہریوں کو بہتر اور خوبصورت ماحول فراہم کیا جا سکے۔
انہوں نے کہا کہ اس منصوبے کی تکمیل سے نیا بازار کو ایک ماڈل کمرشل ایریا میں تبدیل کیا جائے گا، جہاں شہریوں کو بہتر سہولیات میسر آئیں گی اور کاروباری سرگرمیوں کو بھی فروغ ملے گا۔
یہ اقدام حکومت پنجاب کے بیوٹیفیکیشن اور شہری ترقی کے وژن کا حصہ ہے، جس کے تحت عوامی مقامات کو جدید خطوط پر استوار کیا جا رہا ہے