تاریخ اشاعت: November 5, 2026 - 12:01 PM
Lahore: Work Begins on 3.3-Kilometre Green Belt Along Shanghai Road
لاہور: شنگھائی روڈ پر 3.3 کلومیٹر طویل گرین بیلٹ کی تعمیر شروع
▫️ فیروزپور روڈ لنک سے کماہاں موٹروے تک 12 فٹ چوڑی پٹی تیار کی جائے گی، یہاں 2,000 مقامی درخت، گھاس اور پھول لگائے جائیں گے: پی ایچ اے
پارکس اینڈ ہارٹیکلچر اتھارٹی (پی ایچ اے) نے شنگھائی روڈ پر نئی گرین بیلٹ کی تیاری کا کام شروع کردیا ہے۔
پی ایچ اے کے منیجنگ ڈائریکٹر احمد عثمان جاوید کے مطابق منصوبے کے تحت گرین بیلٹ میں 2,000 مقامی درخت لگائے جائیں گے۔ ان میں سکھ چین، ارجن، ٹرمینلیا، تبوبیا اور کچنار کے درخت شامل ہیں۔ پٹی کو سرسبز بنانے کے لیے گھاس اور مقامی پھول بھی لگائے جائیں گے۔ احمد عثمان جاوید نے کہا کہ نئی گرین بیلٹ سے علاقے کے ماحول کو بہتر بنانے میں مدد ملے گی۔ ان کے مطابق پی ایچ اے کے ’’سرسبز لاہور‘‘ وژن کے تحت شہر میں گرین بیلٹس کی ترقی اور دیکھ بھال کا کام جاری ہے۔
پی ایچ اے نے شہریوں سے اپیل کی ہے کہ وہ گرین بیلٹس اور پودوں کی حفاظت میں ادارے کا ساتھ دیں تاکہ نئی شجرکاری برقرار رہے اور شہریوں کو سرسبز ماحول میسر آسکے۔