Lahore Division

لاہور : ریاض حسین ری نیوز پاکستان

ڈی ایچ اے لاہور کے معروف رئیل اسٹیٹ بزنس مین اور الخدمت گروپ کے مرکزی قائد دلدار جنجوعہ نے کہا ہے کہ بلا جواز اور ناجائز ٹیکسز میں کمی اور سیون ای کے خاتمے سے رئیل اسٹیٹ سیکٹر میں بہتری آئی ہے، جبکہ وزیراعظم کے پیکج کا بھی رئیل اسٹیٹ سیکٹر کو فائدہ پہنچا جس سے رئیل اسٹیٹ سیکٹر سے وابستہ اور پراپرٹی کی خریدو فروخت کرنے والوں نے فائدہ اٹھایا ۔ خصوصی نمائندہ 'ری نیوز پاکستان ' سے گفتگو کرتے ہوئے انہوں نے کہا کہ انیس بیس کا فرق ضرور ہے مگر مارکیٹ چل رہی ہے، پریشان حال رئیلٹرز اب آ پ کو کام میں مصروف دکھائی دیں گے۔ دلدار جنجوعہ نے کہا کہ عالمی منظر نامہ تبدیل ہوا ہے، باہر بالخصوص یو اے ای میں چلی جانے والی انویسٹمنٹ اب امریکہ ایران جنگ کی وجہ سے واپس آنا شروع ہو گئی ہے۔ حکومت کو چاہیے کہ اوورسیز انویسٹرز کے لیے بھی کوئی ایمنیسٹی سکیم لاتی، ان کے لیے کوئی مراعاتی پیکج کا اعلان کیا جاتا، اگر ایسا کیا جاتا تو مارکیٹ سن 22-2021 والی صورتحال پر واپس جا سکتی ہے۔ انہوں نے کہا کہ ڈی ایچ اے لاہور سمیت ملک بھر کے تمام ڈی ایچ ایز میں ٹرانزیکشنز کی تعداد بڑی ہے اور خرید و فروخت کے عمل میں تیزی آئی ہے کو کہ ایک خوش آ ئند بات ہے۔

لاہور : ریاض حسین ری نیوز پاکستان

ڈی ایچ اے اسٹیٹ ایجنٹس ایسوسی ایشن لاہور کی سالانہ اور موجودگی ایسوسی ایشن کی آ خری 24 اکتوبر کو ہو رہی ہے ۔ اس کے لیے ایسوسی ایشن کی طرف سے کم و بیش تمام ممبران ڈیلرز کو ایجنڈے کی کاپیاں ارسال کر دی گئی ہیں جس میں سالانہ آڈٹ رپورٹ بھی شامل  ہے۔ سابق صدر ایسوسی ایشن طلعت احمد میاں نے کہا ہے کہ رپورٹ میں متعدد خامیاں ہیں، ہم اسے مسترد کرتے ہیں ۔ ایسوسی ایشن کے سابق ڈائریکٹر فنانس ظاہر جان کے ساتھ ایک مشترکہ بیان میں انہوں نے کہا کہ اس آ ڈٹ رپورٹ میں 35 لاکھ روپے کا خسارہ دکھایا گیا ہے، ہمیں نہیں معلوم کہ ایسوسی ایشن نے کون سی رقم کب اور کہاں خرچ کی۔ ظاہر جان نے کہا کہ آڈٹ رپورٹ کیبنٹ سے منظور نہیں کروائی گئی، اس پر آڈیٹر کی ڈیٹ آف اتھینٹیکیشن بھی نہیں ہے،  صفحہ نمبر بھی نہیں لگائے گئے، یہ بنیادی طور پر آ ڈٹ رپورٹ ہی نہیں لگتی ۔ انہوں نے کہا کہ ہر صفحے کا attested  ہونا ضروری ہے،  بیلنس شیٹ میں اماؤنٹ کا واضح فرق ارہا ہے، آمدن اور اخراجات کی تفصیلات میں ابہام موجود ہے۔ ظاہر جان نے  کہا ہے کہ یہ رپورٹ مناسب طریقے سے تیار نہیں کی گئی، اگر فرض کیا الیکشن تین سال تک چلے جاتے تو اس کا مطلب یہ ہے کہ ایسوسی ایشن دیوالیہ ہو چکی ہوتی۔  کلوزنگ انہوں نے کہا کہ اس میں 35 لاکھ کا خسارہ دکھایا گیا ہے ہمیں سمجھ نہیں اتی کہ یہ رقم کب اور کہاں خرچ ہوئی