تاریخ اشاعت: February 26, 2026 - 3:33 PM
Section 144 imposed across Punjab, outdoor drone operations banned for 30 days over security concerns
پنجاب میں سیکیورٹی خدشات کے پیش نظر دفعہ 144 نافذ، آؤٹ ڈور ڈرون پر 30 دن کی پابندی
▫️ کھلی جگہوں پر ڈرون اڑانے پر مکمل پابندی، خلاف ورزی پر قانونی کارروائی ہوگی ▫️ ہالز اور مارکیز میں تقریبات کے دوران محدود ڈرون کیمرہ استعمال کی مشروط اجازت
لاہور | ری نیوز پاکستان سیکیورٹی خدشات کے پیش نظر پنجاب بھر میں دفعہ 144 نافذ کرتے ہوئے کھلی جگہوں پر ڈرون اڑانے پر 30 دن کے لیے پابندی عائد کر دی گئی ہے۔ اس اقدام کا مقصد عوامی مقامات، رہائشی علاقوں اور اہم تنصیبات کے تحفظ کو یقینی ب...
سیکیورٹی خدشات کے پیش نظر پنجاب بھر میں دفعہ 144 نافذ کرتے ہوئے کھلی جگہوں پر ڈرون اڑانے پر 30 دن کے لیے پابندی عائد کر دی گئی ہے۔ اس اقدام کا مقصد عوامی مقامات، رہائشی علاقوں اور اہم تنصیبات کے تحفظ کو یقینی بنانا ہے۔
آؤٹ ڈور مقامات پر ہر قسم کے ڈرون کے استعمال پر مکمل پابندی ہوگی، جبکہ خلاف ورزی کی صورت میں متعلقہ افراد کے خلاف قانونی کارروائی عمل میں لائی جائے گی۔
تاہم اعلامیہ کے مطابق شادی ہالز اور مارکیز میں منعقد ہونے والی تقریبات کے دوران محدود سائز کے ڈرون کیمرے کے استعمال کی اجازت دی گئی ہے، جس کی مکمل ذمہ داری ہال یا مارکی انتظامیہ پر عائد ہوگی۔
انتظامیہ کا کہنا ہے کہ یہ اقدام سیکیورٹی انتظامات کو مؤثر بنانے، عوامی تحفظ کو یقینی بنانے اور شہری و رہائشی علاقوں میں غیر مجاز فضائی سرگرمیوں کی روک تھام کے لیے کیا گیا ہے۔