تاریخ اشاعت: June 1, 2026 - 4:52 PM
Development Projects Inaugurated in Vehari, Former Lawmakers Assure Continued Public Service
وہاڑی میں ترقیاتی منصوبوں کا افتتاح، سابق اراکین اسمبلی کی عوامی خدمت جاری رکھنے کی یقین دہانی
▫️چوہدری نذیر احمد آرائیں اور سردار خالد محمود نے اے بلاک اور ڈی بلاک بورے والا میں جاری منصوبوں کا افتتاح کیا
سابق رکن قومی اسمبلی چوہدری نذیر احمد آرائیں اور سابق رکن صوبائی اسمبلی سردار خالد محمود نے بورے والا کے اے بلاک اور ڈی بلاک میں جاری ترقیاتی منصوبوں کا افتتاح کر دیا۔
افتتاحی تقریب میں مقامی مسلم لیگ ن کے کارکنان، معززین علاقہ اور شہریوں کی بڑی تعداد موجود تھی۔ دونوں سابق اراکین اسمبلی کے موقع پر پہنچنے پر اہلِ علاقہ نے ان کا پرتپاک استقبال کیا اور علاقے میں ترقیاتی کاموں کے آغاز پر خوشی کا اظہار کیا۔
اس موقع پر خطاب کرتے ہوئے چوہدری نذیر احمد آرائیں اور سردار خالد محمود نے کہا کہ عوام سے کیے گئے وعدوں کی تکمیل ان کی سیاسی اور عوامی ذمہ داری ہے۔ انہوں نے کہا کہ بورے والا سمیت ضلع وہاڑی کے مختلف علاقوں میں بنیادی سہولیات کی فراہمی، تعمیر و ترقی اور شہری مسائل کے حل کے لیے عملی اقدامات کا سلسلہ جاری رکھا جائے گا۔
ان کا کہنا تھا کہ مسلم لیگ ن نے ہمیشہ عوامی خدمت، ترقیاتی منصوبوں اور شہری سہولیات کو ترجیح دی ہے۔ علاقے میں سڑکوں، گلیوں، نکاسی آب اور دیگر بنیادی مسائل کے حل کے لیے ترقیاتی کام عوام کو ریلیف فراہم کرنے میں مددگار ثابت ہوں گے۔
تقریب کے دوران اہلِ علاقہ نے ترقیاتی منصوبوں کے افتتاح پر چوہدری نذیر احمد آرائیں اور سردار خالد محمود کا شکریہ ادا کیا اور امید ظاہر کی کہ مستقبل میں بھی علاقے کے دیرینہ مسائل کے حل کے لیے اقدامات جاری رکھے جائیں گے۔
افتتاحی تقریب میں مسلم لیگ ن لیبر ونگ کے ضلعی صدر حافظ عثمان ریاض، چوہدری اویس شکور، ڈرگ ایسوسی ایشن بورے والا کے صدر جاوید اقبال بھٹی سمیت مقامی مسلم لیگی کارکنان اور شہریوں کی بڑی تعداد بھی شریک تھی۔