تاریخ اشاعت: November 19, 2026 - 2:01 PM
NAB Moves to Recover Government Land Worth Over Rs64 Billion in Sindh, Bahria Town Karachi 2 Also Under Scrutiny
سندھ میں 64 ارب روپے سے زائد مالیت کی سرکاری اراضی واگزار کرانے کے لیے نیب کی کارروائی، بحریہ ٹاؤن کراچی ٹو کی زمین بھی زیرِ جانچ
▫️ بحریہ ٹاؤن کراچی ٹو کی 3 ہزار 150 ایکڑ اراضی کی الاٹمنٹ منسوخ کرنے کی کارروائی جاری، 708 ارب روپے کی مبینہ اراضی خوردبرد کا الگ ریفرنس احتساب عدالت میں زیرِ سماعت
قومی احتساب بیورو (نیب) نے سندھ میں 64 ارب روپے سے زائد مالیت کی سرکاری اراضی واگزار کرانے کے لیے کارروائی شروع کر دی ہے۔
دوسری جانب بحریہ ٹاؤن کراچی ٹو سے منسلک 3 ہزار 150 ایکڑ اراضی کی الاٹمنٹ منسوخ کرنے کے لیے بھی کارروائی جاری ہے۔ دستیاب تفصیلات کے مطابق مذکورہ اراضی میں وہ محفوظ جنگلاتی زمین شامل ہے جسے محکمہ جنگلات سندھ نے 1966 میں نوٹیفائی کیا تھا۔ اس کارروائی کا مقصد سرکاری اراضی کی الاٹمنٹ اور استعمال میں مبینہ بے ضابطگیوں کا جائزہ لے کر قانونی تقاضوں کے مطابق اقدامات کرنا ہے۔
دریں اثنا، نیب نے کراچی کی احتساب عدالت میں ریفرنس نمبر 1/2025 بھی دائر کر رکھا ہے، جس میں ضلع ملیر کی 17 ہزار 672 ایکڑ سرکاری اراضی کی مبینہ غیر قانونی تبدیلی اور خوردبرد کا الزام عائد کیا گیا ہے۔ نیب کے مطابق اس اراضی کی مالیت تقریباً 708 ارب روپے ہے۔ ریفرنس میں الزام لگایا گیا ہے کہ سندھ حکومت کے بعض اہلکاروں کی مبینہ ملی بھگت سے زمین غیر قانونی طریقے سے منتقل کی گئی اور بعد ازاں ایم نائن موٹروے کے قریب بحریہ ٹاؤن کراچی کی تعمیر و ترقی کے لیے استعمال ہوئی۔